Xa’ re khana met’ani nro té hiti ne bot’u na pëkhi pi’ bot’u nunihani, pu tá’ro’ re khana té hiti ‘ixta tá’ro’ re met’ani bot’u nunihani pu té nawi ki n-‘akahte tá’ re met’ankhowi. Pënti nt’ani mu yë para ri’e hiti be pi’ n-to hwati.
Tentani be webetejiti ne xuyeni
Ne beca tá’re parhë ne be’ té hiti ki ron chhori pi’ bot’u nunihani ‘ixta mu rakwati naka be prepa o be universidad. Tá’ re parhë yahkha xa’ ro’ me’meryu ‘ix ki ta ron t’una bot’u na ‘ix ki ta ron té hiti pëkhi pi’ bot’u nunihani.
Nt’ani ‘ih na ri pëya ‘e xini pëkhi:
becasestudiantesindigenas@hotmail.com
Tá’ re tëntihë ne correo ki tá’ron tu ninhihë ne be’ mëni:
- Te’so ni xu werawi
- CCT
- Ni xu n escuela pu té hiti
Ne teléfono: (722) 213 90 ixtan 214 55 88
Yahkha tá’ re paati n kwenta: n runexi ban pi’ehnexi para n 9:00 ban 18:00 ne hora.
Ne xuwi ki ron t’una bot’u na ‘ix ki ron me’posgrado
Ne beca ki tá’ re parhë ne xuwi ki ron t’una n-bot’u na, ‘ix ki ro’ re hiti pi’ ne universidad ki ron chhori be pi’ n-to hwati, para ki tá’ro’ re hiti be Programa Nacional de Posgrados de Calidad del CONACYT.
Ne programa ki tá’ro’ re met’ani ni be’ té hiti ne bot’u na
Ninhi n programa, ku té met’ani nra roxu ne be’ mëni, t’ënhi ki tá’ re párhë ne be’ té hiti ki ron t’una n bot’u na naga ne especialidad, maestría o ne doctorado, mu tit’ihë ne wexuwi ki ku té met’ani n CONACYT ki ron té hiti na n posgrado be pi’ n to hwati o mura’ kwati.
Ne xirbawi ron té ‘awi pi’ xirbawi n CONACYT pu té ‘ini nt’ani mu té hëhya, mhëxi tá’ re párhë, ne hyabi pu tá’ re nhori te’sohé ne xirbawi, tá’ re ‘ini want’ëwi ka’ be’to’ta xi ‘ixka ‘ih nawi ri pëya mu k’ïna xini ma:
Josefina Raya López
jraya@conacyt.mx
Teléfono: 55 53 22-7700 Ext. 1530
Ivonne Olivares Terán
Subdirector de Promoción y Difusión
iolivares@conacyt.mx
Ne khana be’ mëni ki tá’ re met’ani ne bot’u na
Naka be pi’ n-to hwati ku té met’ani nro derecho ne bot’u na, n-rúkhwa té si’ti ma’ ‘ini ki xa’ te’sokhëbi ki khwen té met’ani bot’u derecho. N-xirbawi “Ne khana be’ mëni ki tá’ re met’ani ne bot’u na” tu yë Fernando Cortez Vázquez, nan consultor para n-UNICEF pi’ bot’u nunihani, pu tá’ re khana ‘ini nt’ani tá’ re yë para ki te’sohë ne ch’ahmu tá’ro re met’ani nro derecho pu werawi naka ‘i to chipitu ba ‘i ma’ ch’ahmu.
1,101,607 bytes Pág. 39
Fondo editorial be Dirección General de Educación Indígena
N-Secretaría de Educación Pública pi’ t’ani n-Dirección General de Educación Indígena ku té met’ani ne ribawi ki ro’ re we’e pi na ne bot’u na pukha ne primaria para n-bot’u nunihani.
Ron chhori pëphi yoko nan 600 ne ribawi be Dirección General de Educación Indígena para ki tá’tu be’ t’anhë ne be’ té hiti, ne be’ hinta, ne be’ ‘ori ‘ixta te’sohë ki ron tu hëhya naka pi’ na n-bot’u na o ra tenowewi te t’una: bot’u na ‘ixta pi’ na n-chïxta o naga mu rawi. Ninhihë ro’ ma pati n-kwenta te’so mu yë pi nro nunihani ne be’ té hiti be primaria.
‘e ‘uxti be xirbawi ‘ixta pënti ne ribawi ki ron té met’ani nro’ té hiti ne bot’u na, be’ t’una ‘ixta be’ pëndibawi, be’ ‘eni, te’so mu té hëhya be escuela, mu wera n maani pu ron chori ne ribawi.
