Be pi’ n-to hwati ku té be’ t’ani para ki tá’tu núkhowi yahkha khwen té ‘i pi bot’u nunihani, pu tá’ re ‘inkhowi nt’ani khwen tu hëhya.
Nro derecho ne ch’ahmu ki ron té ‘i ‘ix ki ron t’una bot’u na
N-ribawi CONAMED, n-ribawi be Comisión Nacional de Arbitraje Médico ma’ tu pa bot’u na yahkha werawi xi’ mun pëya tá’tu t’una pi’ na n-chïxta. Pënti ni’ derecho be:
Nro derecho ne ch’ahmu ki ron té ‘i ‘ix ki ron t’una bot’u na
Ninhi n-ribawi kuh nú nt’ani ku té hëwi para ri’i khana sanïta, naka mu rakwati o pëkhi pi’ bot’u nunihani, para ki ri’im pëya nt’ani ri yë o yoh ri kha ‘ini yahkha ‘i té sahts’i pi’ nunihani.
Tá’ re nú’hë nro sanïta ne bot’u na
Naka kuh pëkikhowi ne bot’u be nunihani, tá’ re met’ani nan Modelo Intercultural de Atención a la Salud ki ku be’ t’ani 4 ne be’ mëni: tá’ re pati n-kwenta, tá’ re nú, tá’ re khana met’ani ‘ixta ri ‘ëya.
Ne pïxnibi be pi’ n-to hwati
Tá’tu pá’khowi ne pïxnibi n-Secretaría de Salud, IMSS, ISSSTE, SEDENA, SEMAR, DIF, PEMEX, nimandaru ‘ix xa’ tá’ re poki.
‘e xuna
Pëchhi khwen té pawi ne té ‘i pi’ bot’u na ‘ix ka khwen té sahts’i pëphi té nawi rukhwe khana pati n-kwenta.
N-Instituto de Salud pi t’ani n-Departamento de Estomatología tu yë nan xirbawi pu ma’ ‘ini nt’ani tá’ re yë para tan tuxchi nro té ‘i be nunihani, nt’ani tá’ re yë, tá’ re khana met’an, mu ki tá’tu nú’khowi para ki xa’ rukhwen té sahts’i.
N be’ té xuri
Ron pári n kwenta ne be’ mëni para rúkhwe’ khanan pëya mhëxi ne kune khwèn nawi pi not’u familia, pu tá’ re ‘inkhowi nt’ani mu yë para xu khwan té xuri, para ki te’sohë tá’ro’ khana hëxi, pu ret’ëhë tá’ro’ ‘ini mhëxi ne kune ron nawi.