Para tán tuxchi ne kha te’i ki ron té pari be nunihani, pukha ne nunihani ki ron chhori ma’ hanri, ron té met’ani ne pëxnibi para tán tuxchi ne te’i pukha n viruela, munhihthë pukha n poliomielitis, ne buhpawi, n ch’ahya, n té khëts’i, tétanos, tubercolisis, meníngea ‘ixtan xa’maxi.
Xi n programa ku té met’ani ne pëxnibi para te’so n nunihani pu werawi nro’ maani pu ron hëhthawi pukha: n Secretaría de Salud, IMSS, ISSSTE, SEDENA, SEMAR, DIF, PEMEX, ka nro’ mandaru pu werawi pu xa’ tá’ re po’ki teta.
Pi’ ra khëchhë ron té yë roxu ne ninchowi pu tá’ re hëhthawi para ni bë n khëchhë, kan febrero, mayo ‘ixtan octubre, ‘ixtan pi’ xirbawi n Secretaria de Salud del Estado de México, ku chhori te’sohë ne be’ mëni ki ‘ih na ri pëya.
