Nro be’ mëni ne rextu xa’ tá’ re po’ki teta

Mu kha kha ri ‘ati ninhi n-t’ani?

1.  Ri ‘a howi be Dirección Regional pu ‘i chhori. 
2.  ‘ih phot’i pi’ ne “Defensor Público Itinerante” pi’ nunihani n-pi’ n-to hwati para ki tá’ re t’ent’anhë te’sohë ne ch’ahmu.
3.  ‘ih phot’i pi’ ne asamblea ki ron yë, ‘ix ki ron té kïts’i n-Consejo Estatal para el Desarrollo Integral de los Pueblos Indígenas (CEDIPIEM),me yoh poht’i ron chhori ne bot’u na pëkhi be pi’ n-to hwati.

Be’ té t’ent’ani ‘ix xa’ ri’e po’ki teta

Mu kha kha ri ‘ati ninhi n-t’ani?

Yahkha werawi man té ximpi n-be’ mëni, ki ro’ma’ ‘eni ‘ixta xa’ ron tu t’ent’ani, ‘ix ka tu nati tá’tu ‘aati werawi ki tá’tu t’ent’ani. Pi’ maani ron chhori ne ch’ahmu ki ron t’una mazahua ‘ixtan otomí, xi ret’ëwi ki tá’ re met’ani pi’ t’ani.

‘ih photi be Direccion Regional pohpu ‘i chhori.

Xa’ tá’ re po’ki teta yahkha ‘an té ximpi be’ mëni pi’ maani, pi’ familia ‘ixta be’ ‘uri.

Mu kha kha ri ‘ati ninhi n-t’ani?

1.  Pi’ maani, té nawi ki tá’tu haapi.
2.  Be’ ‘uri yahkha ro’ man té pawi ne ch’ahmu ki ron be’ t’ani pi’ ne ch’a to tenta be nunihani.
3.  Pi’ familia yahkha xi’ me’meryu werawi pero té nawi nan xirbawi ki tá’ ‘ini tit’i.
4.  Xi para mu werawi, ret’ëwi ki tá’ re met’ani nirawi.

Te’sohë ne ch’ahmu ki ron nawi té nawi tá’tu nhorhë nro xirbawi, nirawi xa’ko pu ron té pawi ne familia ‘ixta pu ron sisi.

‘ih phot’i be Dirección Regional pohpu ‘i chhori para ri ‘ati ninhi n-t’ani be nunihani, pi’ ne familia o be’ ‘uri. Yahkha ro’ma’ nhiri tá’ re parhë ‘ix ki re t’ent’ani, tá’ma’ tu pa pi yë ne rextu ki tá’ro’ re met’ani ni be’ mëni.

Pohpu ri pëya mu k’ïna:nro be’ mëni ne rextu be nunihani, pi’ ne familia ‘ixta be’ ‘uri.