Pëkhi ri pënti ne ribawi ki tá’ro’ re met’ani ne bot’u na be nunihani pukha n-Maaribawi ki ku té met’ani n-pi’ n-to hwati, n-ribawi ki ku té met’ani nirawi n-pi’ n-to hwati; ‘ixta munihthë ne ch’aribawi ki ron té be’ t’ani be nunihani.
Documentos internacionales
Ne ribawi ro’ re we’e pu roxu ne khëchhë para ki tá’ro’ re met’ani ne bot’u na pëphi yoko pi’ n-1982 te’sohë ro’ re panti para ki tá’ro we’e t’i n-xirbawi ba ki ma’ nhiri be Asamblea General t’i-n 13 para-n septiembre 2007.
Ni ribawi kuye ne beemeni ni charibawi nipanti, ixta charibawi ni njajtotowi . ne kubet’ani charibawi ne nunijani xuyeni kuye tentani ni ne majabikjowi,ne ribawi kuye ne beemeni ni charibawi nipanti, ixta charibawi ni njajtotowi . ne kubet’ani charibawi ne nunijani xuyeni kuye tentani ni ne majabikjowi, matenjiri kari we’e ne ribawi nt’ani kijtu tetuiri ne nunijani ne xuyeni kijnawi.
Tu khana yëhë n-ribawi be DNUDPI xi pëchhi ron be’ t’ani para ki tá’tu pati n-kwenta ne ‘akahte pi’ nro’ nunihani. Pi’ ninhi n-xirbawi ku té ‘ini nt’ani ku té yë para ki te’sohë tá’ro’ re met’ani te’sohë ne nunihani.
Ne ribawi ki ron té be’ t’ani pëkhi.
Mu ku chhori n-Ley General de Derechos Lingüísticos de los pueblos indígenas
te’sohë n-ron t’una be nunihani khwen tu thiya ‘ixta khwen nawi tá’ro’ re baati te’so ne hyabi para ki xa’ tá’ re baati teta. N-Ley de Derechos lingüísticos kuh nawi ki tá’ re khana met’anhë ne nunihani pu ron t’una bot’u na xi mi ki ret’ëhë tá’ ron yë te’so n-ron yë te’so ne hyabi pi’ nunihani.
Be pi’ n-to hwati ron chhori ne ch’ahmu ki ron t’una ne bot’u na ‘ixta mu ro’iwhë ki ron t’una mu ran t’una xi ka phi kin ‘akahte kuh nawi ki tá’ro’ re bahya te’sohë n-ron chhori pëkhi xi ki xa’ tá’ re baati werawi por eso kuh nawi ki ne ribawi tá’ro’ re khana met’ani te’so n-ron nawi ret’ëhë ne bot’u na naga pëkhi o mu rakwati pu ron chhori.
Ro’ma’ pa bot’u na n-Constitución Política de los Estados Unidos Mexicanos para ki ret’ëhë ron khana pëya nt’ani tá’tu yë’hë pi’ nro nunihani para ki tá’ro’ t’una bot’u na te’so ne hyabi.
